साउनदेखि घट्यो ब्याजदर, सस्तो हुँदै कर्जा, बचतकर्तालाई चिन्ता

बैंक तथा वित्तीय संस्थाहरूले साउन १ गतेदेखि लागू हुने गरी निक्षेपमा दिइने ब्याजदर घटाएका छन् । नेपाल राष्ट्र बैंकले आगामी आर्थिक वर्षको मौद्रिक नीतिमा नीतिगत दर घटाएपछि बैंकहरूले ब्याजदर समायोजन गरेका हुन् ।

राष्ट्र बैंकले ब्याजदर करिडोरको तल्लो सीमा रहेको निक्षेप संकलन दरलाई ३ प्रतिशतबाट घटाएर २.७५ प्रतिशतमा ल्याएसँगै, बैंकहरूले बचत र छोटो अवधिको मुद्दती निक्षेपमा न्यूनतम ब्याजदर २.७५ प्रतिशत कायम गरेका छन् ।

यसअघि ३ प्रतिशतभन्दा तल ब्याजदर ल्याउन नसकेका बैंकहरू अब नयाँ सीमाभित्र समायोजनमा उत्रिएका हुन् । बुधवार बैंकहरूले सार्वजनिक गरेका नयाँ दरहरू अनुसार निक्षेपको ब्याजदर घटेसँगै कर्जाको लागत घट्ने र सो अनुपातमा कर्जा अझै सस्तो हुने अपेक्षा गरिएको छ ।

जेठ मसान्तसम्म वाणिज्य बैंकहरूको कर्जाको औसत ब्याजदर ७.९९ प्रतिशत रहेको थियो । राष्ट्र बैंकले नीतिगत दर र बैंकदरलाई पनि क्रमशः ०.५० प्रतिशत विन्दु र ०.२५ प्रतिशत विन्दुले घटाएको छ ।

यसले वित्तीय प्रणालीमा तरलता अभिवृद्धि गराउँदै लगानी बढाउने विश्वास गरिएको छ । पछिल्ला डेढ–दुई वर्षयता बैंक तथा वित्तीय संस्थाहरूले ब्याजदर क्रमशः घटाउँदै आएका छन् । नयाँ दरहरूले कर्जा प्रवाहलाई अझ सुलभ बनाउन मद्दत गर्ने विश्लेषण गरिन्छ ।

अधिकतम ब्याज ?

स्रोत : वाणिज्य बैंकहरुद्वारा प्रकाशित वित्तीय विवरण